ഫേസ്ബുക്കിൽ ലൈവിട്ടു; പൊന്നാനിയിൽ യുവാവിനെ അറസ്റ്റ് ചെയ്തു

പൊന്നാനി:പൊന്നാനിയില­െ സർക്കാർ ആശുപത്രിയുടെ അനാസ്ഥയെക്കുറിച്ച് ഫേസ്ബുക്ക് ലൈവിട്ട യുവാവിനെ ജാമ്യമില്ലാ വകുപ്പ് ചുമത്തി അറസ്റ്റ് ചെയ്തു. കോടികൾ മുടക്കി നിർമിച്ച പൊന്നാനി മാതൃ ശിശു ആശുപത്രിയിൽ പൂർണ്ണ ഗർഭിണിയായ യുവതിയോട് ആശുപത്രി അധികൃതർ കാണിച്ച അവഗണന ഫേസ്ബുക്ക് ലൈവിലൂടെ വിളിച്ചു പറഞ്ഞ യുവാവിനെയാണ് ജാമ്യമില്ലാ വകുപ്പ് ചുമത്തി അറസ്റ്റ് ചെയ്തത്. പൊന്നാനി സ്വദേശി ജാഫറാണ് അറസ്റ്റിലായത്.

മാതൃശിശു ആശുപത്രി സൂപ്രണ്ടിന്റെ പരാതി പ്രകാരമാണ് അറസ്റ്റ്. ആശുപത്രിയെ അപകീർത്തിപ്പെടുത്തി,­ ഒ പി ടിക്കറ്റ് വലിച്ചുകീറി എന്നീ കുറ്റങ്ങളാണ് ഇയാൾക്കെതിരെ ചുമത്തിയിട്ടുള്ളത്.വ­ിഷയത്തിൽ പോലീസിനെതിരെ വ്യാപക വിമർശനമാണ് ഉയർന്നിട്ടുള്ളത്. അത്യാസന്നനിലയിലായ ഗർഭിണിക്ക് വീൽ ചെയർ ആവശ്യപ്പെട്ടപ്പോൾ നൽകിയില്ല എന്ന് പറഞ്ഞാണ് ദിവസങ്ങൾക്ക് മുമ്പ് ഇയാൾ ഫേസ്ബുക്കിൽ ലൈവിട്ടത്.

കോടികൾ മുടക്കിയ ആശുപത്രിയിൽ അടിസ്ഥാന സൗകര്യങ്ങൾ ഇനിയും ഒരുക്കാത്തതാണ് പ്രധാന കാരണമെന്നും ഇയാൾ പറഞ്ഞിരുന്നു.തുടർന്ന­് യൂത്ത് ലീഗ് വിഷയം ഏറ്റെടുക്കുകയും ആശുപത്രി സൂപ്രണ്ടിന് നിവേദനം നൽകുകയും ചെയ്തിരുന്നു. ആശുപതിക്കെതിരെ ലൈവിട്ടതോടെ ഇയാൾക്കെതിരെ സോഷ്യൽ മീഡിയയിൽ കനത്ത വിമർശനവും ഉയർന്നിരുന്നു. അതിന് പിന്നാലെയാണ് ജാമ്യമില്ലാ വകുപ്പ് ചുമത്തി അറസ്റ്റ് ചെയ്തത്.

“ഹോസ്പിറ്റലിൽ ആകെ ഉള്ളത് 2 വീൽചെയർമാത്രം. അതും അവർ റൂമിൽ പൂട്ടി വെച്ചിരിക്കുകയായിരുന­്നു. അത്യാസന്ന നിലയിലായ ഗർഭിണിക്ക് നൽകുകയും ചെയ്തില്ല.വിഷയത്തോട്­ ആശുപത്രി അധികൃതർ വളരെ മോഷമായണ് പ്രതികരിച്ചതെന്നും ജാഫർ പൊന്നാനി ലൈവിൽ ആരോപിച്ചിരുന്നു. ഇതാണ് ആശുപത്രി അധികൃതരെ ചൊടിപ്പിച്ചത്